मुंबई: बॉलीवूडचा मिस्टर परफेक्शनिस्ट आमिर खानला एकदा भेटण्याचे स्वप्न किती जण पाहतात. त्यापैकी एक म्हणजे भोजपुरी सुपरस्टार अक्षरा सिंग. अक्षरा आमिर खानची खूप मोठी फॅन आहे. आमिर खानला भेटण्याचं अखेर अभिनेत्रीचं स्वप्न पूर्ण झालं.
अक्षरा सिंहने सोशल मीडिया प्लॅटफॉर्मवर आमिर खानसोबतचा तिचा खास व्हिडिओ शेअर केला आहे. व्हिडिओमध्ये दोघेही मेकअप रुममध्ये बसलेले दिसत आहेत. व्हिडिओ जसजसा पुढे जात आहे, तसतसा आमिर खान अक्षरा सिंगला हात देतो आणि नंतर लाल सिंग चड्ढा यांच्या ‘फिर ना ऐसी रात आएगी…’या गाण्यावर दोघेही जबरदस्त नृत्य करतात. आमिर खानसोबत डान्स करणे अक्षरासाठी एका स्वप्नापेक्षा कमी नाही.
आमिर खानसोबत व्हिडिओ शेअर करताना अक्षरा सिंहने कॅप्शनमध्ये लिहिले,’हे स्वप्न सत्यात उतरल्यासारखे आहे. हा दिवस बनवल्याबद्दल आमिर सरांचे आभार. मी कधीच विसरु शकत नाही.’ व्हिडिओमध्ये अक्षरा सिंग ब्लॅक अँड व्हाईट को-ऑर्डर सेटमध्ये खूपच सुंदर दिसत आहे. मोकळे केस आणि ग्लोइंग मेकअपमध्ये अक्षराचे फारच सुंदर दिसत आहे. दुसरीकडे, आमिर खान डेनिम शर्ट आणि जीन्ससह पांढरा टी-शर्टमध्ये कॅज्युअल लूकमध्ये दिसत आहे. आमिर आणि अक्षरा सिंगला एकाच फ्रेममध्ये बघून चाहत्यांच्या आनंदाला पारावार उरला नाही. अक्षरा सिंहच्या या व्हिडिओला लाखो लाइक्स आले आहेत. या व्हिडीओवर चाहत्यांनी भरभरुन प्रेमाचा वर्षाव केला आहे.
