कारेगाव (प्रतिनिधी) कारेगाव (ता. शिरुर) येथुन एक अल्पवयीन मुलगी बेपत्ता झाली असुन याबाबत मुलीच्या वडिलांनी रांजणगाव MIDC पोलिस स्टेशन येथे फिर्याद दाखल केली आहे.
रांजणगाव MIDC पोलिसांनी दिलेल्या माहितीनुसार दि २० फेब्रुवारी २०२४ रोजी सकाळी १०:३० च्या सुमारास एक अल्पवयीन मुलगी उंची ५ फुट, रंग गोरा, केस काळे लांब, चेहरा उभट, नाक सरळ, अंगाने सडपातळ, अंगात शाळेचा गणवेश त्यात पांढ-या रंगाची पॅन्ट, विटकरी रंगाचा कुर्ता, पांढ-या रंगाची ओढणी, पायात हिरव्या रंगाची चप्पल, मराठी भाषा बोलते, सोबत शाळेची बॅग, त्यामध्ये वहया पुस्तके जेवणाचा डबा, पाण्याची बॉटल, घरातील गुलाबी रंगाची पाण्याची बॉटल तसेच घरातील तिचा वापरातील गुलाबी रंगाचा ड्रेस घेऊन गेली आहे.
याबाबत कोणालाही माहिती असल्यास रांजणगाव MIDC पोलिस स्टेशनला 9673593335 या नंबरवर संपर्क साधावा असे आवाहन पोलिस उपनिरीक्षक निळकंठ तिडके यांनी केले आहे. या घटनेचा पुढील तपास पोलिस निरीक्षक महादेव वाघमोडे यांच्या मार्गदर्शनाखाली निळकंठ तिडके करत आहेत.
