रांजणगाव गणपती (तेजस फडके) शिरुर तालुक्यातील पिंपरी दुमाला गावच्या हद्दीत मधील शेतातील विहिरीवर बसविलेली पाणी ओढायची ५ एचपी क्षमतेची किर्लोस्कर कंपनीची मोटार तसेच तब्बल १ हजार ८० फुट तांब्याची वायर किंमत अंदाजे ३९ हजार रुपये अज्ञात चोरट्यांनी लंपास केली आहे.
फिर्यादी श्रीकृष्ण विष्णु सोनवणे (रा. पिंपरी दुमाला, ता शिरुर, जि. पुणे) यांनी रांजणगाव एमआयडीसी पोलिस स्टेशनमध्ये दिलेल्या फिर्यादीनुसार, दि १ सप्टेंबर २०२५ रोजी सायंकाळी मोटार बंद करुन घरी गेल्यानंतर दुसऱ्या दिवशी सकाळी मोटार सुरु करण्यासाठी शेतात गेले असता ही चोरी उघडकीस आली आहे. याच कालावधीत गावातील अनेक शेतकऱ्यांच्या तांब्याच्या केबलची चोरी झालेली आहे.
केबलची चोरी झालेले शेतकरी खालीलप्रमाणे
१) चंद्रकांत सोनवणे (६० फुट केबल)
२) दादाभाऊ सोनवणे (४० फुट केबल)
३) आदित्य चिखले (९० फुट केबल)
४) तेजस चिखले (९० फुट केबल)
५) रावसाहेब सोनवणे (२००फुट केबल)
६) प्रकाश चिखले (१०० फुट केबल)
७) अशोक थोरात (१००फुट केबल)
८) विजया पाटील (५० फुट केबल)
९) नारायण पिंगळे (१००फुट केबल)
या सर्व शेतकऱ्यांच्या तांब्याच्या केबल मागील महिन्यात चोरीस गेल्या आहेत. या सर्व चोरीमुळे गावातील शेतकऱ्यांमध्ये भीतीचे वातावरण निर्माण झाले असुन या घटनेचा पुढील तपास रांजणगाव एमआयडीसी पोलीस स्टेशनचे पोलीस निरीक्षक महादेव वाघमोडे यांच्या मार्गदर्शनाखाली पोलीस हवालदार संदीप जगदाळे हे करत आहेत.
चिंचणी येथील आबा धावडे यांची भाजपच्या तालुका उपाध्यक्षपदी निवड
