रांजणगाव गणपती (तेजस फडके) शिरुर तालुक्यातील कारेगाव येथील फलके मळ्यात दारु पिण्याच्या वादातून झोपलेल्या पत्नीचा गळा आवळून खून केल्याची धक्कादायक घटना घडली असुन याबाबत विकाश अर्जुन गौड (वय 38) रा. फलकेमळा, कारेगाव, ता.शिरुर, जि.पुणे मुळ रा. सुनावल ता. हुंडम जि.जबलपुर राज्य मध्यप्रदेश यांनी याबाबत रांजणगाव MIDC पोलिस स्टेशनला फिर्याद दाखल केली असुन पोलिसांनी आरोपीस तातडीने अटक केली आहे.
याबाबत रांजणगाव MIDC पोलिसांनी दिलेल्या माहितीनुसार कारेगाव येथील फलके मळ्यात आरोपी धनुसिंग मराबी हा आपल्या पत्नीसह राहत होता. दि 17 जानेवारी 2024 रोजी आरोपी धनुसिंग छकेसिंग मराबी (वय 50) रा. फलकेमळा, कारेगाव, ता. शिरुर जि.पुणे मुळ रा. सुनावल ग्राम, दबरा ता. कुंडम जि. जबलपुर राज्य, मध्यप्रदेश याने त्याची पत्नी ज्योतीबाई धनुसिंग मराबी (वय 45) हिचा दारु पिण्याच्या वादातुन चिडुन जावुन ती झोपलेली असताना कशाच्या तरी साह्याने गळा आवळुन खून केला.
याबाबत विकाश अर्जुन गौड याने रांजणगाव MIDC पोलिस स्टेशनला फिर्याद दाखल केल्याने पोलिसांनी तातडीने आरोपीस अटक केली असुन पोलिस निरीक्षक महेश ढवाण यांच्या मार्गदर्शनाखाली पोलिस उपनिरीक्षक नीळकंठ तिडके हे या घटनेचा पुढील तपास करत आहेत.
