शिरुर (तेजस फडके) पुणे-नगर महामार्गावर कायमच अपघात घडत असतात. पण त्यातले काही अपघात एकदम विचित्र असतात. पुणे-नगर महामार्गावर सरदवाडी (ता.शिरुर) येथे काही दिवसांपुर्वी पुण्यावरुन नगरकडे जाणारा एक कंटेनर रस्त्याच्या कडेला असणाऱ्या एका गाळ्यात शिरला होता. हा सर्व प्रकार ग्रामपंचायतच्या सिसीटिव्ही मध्ये कैद झाला होता.
असाच एक विचित्र अपघात सरदवाडी येथे घडला असुन आज रविवार (दि ४) रोजी पहाटे ४ च्या सुमारास नगर-पुणे महामार्गावर शिरुरवरुन पुण्याला जाणारी एक टोयाटो कंपनीची फॉर्च्यूनर (एम एच १२ टि के ८२३२) या चारचाकी गाडीचे नियंत्रण सुटल्याने ती रस्ता सोडुन थेट कडेला असलेल्या गाळ्यात शिरली. सुदैवाने यात कोणतीही जीवितहानी झाली नाही.
परंतु आशिष सरोदे यांच्या गाळ्याचे शटर आणि भिंत पडल्याने मोठे नुकसान झाले आहे. हा अपघात झाल्यानंतर आशिष सरोदे यांनी डायल ११२ नंबरवर संपर्क करुन शिरुर पोलिसांना अपघाताची माहिती दिली. प्राथमिक माहितीनुसार सदर फॉर्च्यूनर हि चारचाकी कार वाघोली (ता. हवेली) येथील असल्याचे समजले असुन शिरुर पोलिस या घटनेचा पुढील अधिक तपास करत आहेत.
Video; रांजणगाव MIDC तील MEPL च्या प्रश्नावर खासदार डॉ अमोल कोल्हे आक्रमक
रांजणगाव MIDC तील विविध कामात माजी महिला सरपंचाच्या पतीची लुडबुड…?
शिरुर; चार वर्षात सरपंच फक्त नामधारी ग्रामपंचायतच्या प्रत्येक निर्णयामध्ये त्या महाशयांचीचं लुडबुड…?
