न्हावरे (तेजस फडके): निमोणे (ता. शिरुर) येथे निमोणे-गुनाट रोडवर असलेल्या परफेक्ट एच. पी. पेट्रोलपंपावर काम करणाऱ्या चार कामगारांनी मिळुन एकुण ९४ हजार ५२० रुपयांची चोरी केल्याची घटना उघडकीस आली आहे. याबाबत राजेश्री अनिल काळे (वय ४३) रा. निमोणे, ता. शिरुर, जि. पुणे यांनी शिरुर पोलीस ठाण्यात फिर्याद दाखल केली आहे.
दि २१ जुलै २०२५ रोजी रात्री १ वाजण्याच्या सुमारास हि घटना घडली असुन या प्रकरणी रामेश्वर हरिशचंद्र गर्गोंड (रा. खबरा, थाना देवरी, जि. रामसेन, मध्यप्रदेश), रमन सिताराम ठाकूर (रा. मदनपुर बरेली, नरसिंगपूर, मध्यप्रदेश), आकाश विक्रम ठाकूर (रा. सहजपुर ऊटकटा, जि. सागर,मध्यप्रदेश) व सोनू ठाकुर (पुर्ण नाव अज्ञात, रा. हाथीडोल, नमाखेडा, थाना देवरी, जि. रामसेन, मध्यप्रदेश) या चार जणांविरोधात गुन्हा दाखल करण्यात आला आहे.
पेट्रोल पंपातुन चोरीस गेलेली रक्कम ही पेट्रोलपंपावर झालेली दैनिक कलेक्शन व उचल म्हणून ठेवलेली रोख रक्कम होती. आरोपींनी ती चोरी करुन पळ काढला. या प्रकरणाचा पुढील अधिक तपास पोलिस हवालदार प्रताप टेंगले हे करत आहेत.
