वेगवेगळे शॅम्पू वापरूनही जर चांगला परिणाम मिळत नसेल तर याचे कारण केस धुतांना करत असलेल्या चुका असू शकतात. जाणून घेऊया केसांना शॅम्पू करताना कोणत्या चुका टाळायला हव्यात.
दोनदा शॅम्पू टाळा: एकाच वेळी सलग दुसऱ्यांदा पुन्हा शॅम्पू लावणे चुकीचे आहे. कारण याने केस अधिक ड्राय होतात. मात्र शॅम्पू करण्यापूर्वी केसांना तेल लावले असेल किंवा केस ऑईली असतील, तेव्हाच दुसऱ्यांदा शॅम्पू लावावा, अन्यथा दुसऱ्यांदा शॅम्पू लावू नये.
थेट शॅम्पूचा वापर टाळा: बॉटल मधील शॅम्पू हातावर घेऊन थेट केसांना लावू नका. शॅम्पू मध्ये थोडं पाणी मिसळा. मग ते केसांना लावावं. कारण शॅम्पूचे टेक्स्चर थीक असते, अशातच ते थेट लावल्याने कुठे जास्त तर कुठे कमी लावले जाते आणि पूर्ण केसांमध्ये सारख्या प्रमाणात शॅम्पू लागत नाही.
केसांना समोरून शॅम्पू करणे टाळा: अनेक जण केसांना समोर घेऊन मग शॅम्पू करतात, जे चुकीचे आहे. केसांना नेहमी मागच्या बाजूने सरळच धुवायला हवे.
फक्त थंड पाणी टाळा: जर तुम्ही थंड पाण्याने केस धुत असाल, तर याने केस तुटण्याची भिती अधिक असते. म्हणून केस नेहमी पहिले कोमट पाण्याने ओले करा. यामुळे केसांची मूळं, पोर्स आणि हेअर क्यूटिक्लस ओपन होतात आणि शॅम्पूने चांगल्या पद्धतीनं केस स्वच्छ केले जावू शकतात.
(सोशल मीडियावरून साभार)
