वास्तुशास्त्रानुसार श्रावण महिन्यात शिवलिंग, शंख आणि गंगाजल घरात ठेवल्याने धार्मिक वातावरण निर्माण होते आणि सकारात्मकता वाढते, अशी मान्यता आहे.
श्रावण महिना हा भगवान महादेवांना समर्पित आणि हिंदू धर्मातील अत्यंत पवित्र महिना मानला जातो. या काळात महादेवांची भक्तिभावाने पूजा केल्यास इच्छित मनोकामना पूर्ण होतात, अशी धार्मिक श्रद्धा आहे. त्यामुळे अनेकजण श्रावणात विविध पूजा, व्रत आणि धार्मिक विधी करून घरात सुख, शांती आणि समृद्धीची प्रार्थना करतात.
वास्तुशास्त्रानुसार श्रावण महिन्यात काही शुभ वस्तू घरात आणल्यास सकारात्मक ऊर्जा वाढते आणि नकारात्मकता दूर होण्यास मदत होते, अशी मान्यता आहे.
1. शिवलिंग:
श्रावण महिन्यात देवघरात लहान आकाराचे शिवलिंग स्थापित करून दररोज अभिषेक व पूजा करणे शुभ मानले जाते. घरातील शिवलिंग अंगठ्याच्या आकारापेक्षा मोठे नसावे, असा वास्तुशास्त्राचा सल्ला आहे.
2. शंख:
हिंदू धर्मात शंखाला अत्यंत पवित्र स्थान आहे. पूजा-अर्चेत शंखाचा वापर आणि शंखनाद शुभ मानला जातो. शंखाचा ध्वनी घरातील वातावरण पवित्र करून सकारात्मक ऊर्जा वाढवतो, अशी श्रद्धा आहे.
3. गंगाजल:
गंगाजल अत्यंत पवित्र मानले जाते. देवपूजेसाठी तसेच धार्मिक विधींमध्ये त्याचा वापर केला जातो. श्रावण सुरू होण्यापूर्वी घरात गंगाजल आणणे शुभ मानले जाते.
