अहमदनगर : अहमदनगर जिल्ह्यातील लोणी गावात बिबट्याने केलेल्या हल्ल्यात चिमुकल्याचा मृत्यू झाल्याची धक्कादायक घटना घडली आहे. अथर्व प्रवीण लहामगे (वय ९) असे मृत्युमुखी पडलेल्या मुलाचे नाव असून, या धक्कादायक घटनेमुळे परिसरात खळबळ उडाली आहे.
अनेक दिवसापासून मोकाट फिरणा-या बिबट्याचा वन विभागाने तातडीने बंदोबस्त न केल्याने चिमुकल्याला जीव गमवावा लागल्याचा आरोप ग्रामस्थांनी केला आहे. प्रवरा रुग्णालयासमोर राहणारे प्रवीण लहामगे यांचा मुलगा अथर्व हा तिसरीमध्ये शिकत होता. अथर्व याच्यावर रविवारी संध्याकाळी बिबिट्याने जीवघेणा हल्ला केला. यामध्ये त्याचा मृत्यू झाला आहे. मित्रासोबत खेळण्यासाठी गेलेला अथर्व घरी परतत असताना ही धक्कादायक घटना घडली
मिळालेल्या माहितीनुसार, संदीप गोसावी यांच्या शेतात दबा धरून बसलेल्या बिबट्याने अथर्ववर हल्ला केला यात त्याचा दुर्दैवी मृत्यू झाला. अथर्वची शोधाशोध केल्यानंतर रात्री दहा वाजेच्या दरम्यान त्याचा मृतदेह शेतात आढळून आला. गेल्या अनेक दिवसापासून बिबट्याची परीसरात दहशत होती जर वेळीच पिंजरा लावून बिबट्याला जेरबंद केले असते तर अथर्वचा जीव वाचला असता असे ग्रामस्थांनी सांगितले.
शिरुर तालुक्यातील डिंग्रजवाडी येथे नागरिकांना दिवसा बिबट्याचे दर्शन…
शिरूर तालुक्यात बिबट्या आणि शेतकऱ्यामध्ये झाली झटापट…
शिरुरच्या बेट भागातील तामखरवाडी येथे बिबट्याचा दोघांवर जीवघेणा हल्ला, सुदैवाने दोघेही बचावले
Video: इंदोरीकर महाराजांच्या घरात शिरला बिबट्या अन्…
शिरूर तालुक्यात शेतीला पाणी देताना युवकावर केला बिबट्याने हल्ला…
