कोरेगाव भीमा: कोरेगाव भीमा परिसरात शुक्रवारी (ता. २०) सायंकाळी शेतात पिकांना पाणी देत असताना बिबट्याने शेतकऱ्यावर झडप मारली. यावेळी बिबट्या व शेतकऱ्यामध्ये झटापट झाली. यामध्ये शेतकरी आनंद किसन फडतरे हे जखमी झाले आहेत. त्यांना उपचारासाठी रुग्णालयात दाखल करण्यात आले आहे.
आनंद फडतरे हे शेतात पिकांना पाणी देत होते. यावेळी शेजारील शेतातून अचानक आलेल्या बिबट्याने आनंद फडतरे यांच्या अंगावर झडप मारली. यावेळी आनंद फडतरे यांनी आरडाओरडा करत बिबट्याशी झटापट केली. आनंद फडतरे यांनी जोरदार झटापट केल्यामुळे बिबट्या शेतात पळून गेला. यामध्ये आनंद फडतरे हे जखमी झाले असून, त्यांना उपचारासाठी रुग्णालयात दाखल करण्या आले आहे.
दरम्यान, या घटनेची माहिती शिरुर वनपरिक्षेत्र अधिकारी प्रताप जगताप यांना मिळताच वनपरिमंडळ अधिकारी गौरी हिंगणे, नियतक्षेत्र अधिकारी बबन दहातोंडे, चालक अभिजित सातपुते, शिरुर वनविभाग रेस्क्यू टीमचे शेरखान शेख, अमोल कुसाळकर यांनी सदर ठिकाणी धाव घेत पाहणी केली. शेतकऱ्यावर बिबट्याने केलेल्या हल्ल्यात शेतकरी किरकोळ जखमी झाला असल्याने जखमी शेतकऱ्यावर कोरेगाव भीमा येथील खाजगी रुग्णालयात उपचार सुरू करण्यात आले आहे. परिसरात तातडीने पिंजरा लावण्यात येणार असल्याचे वनपरिमंडळ अधिकारी गौरी हिंगणे यांनी सांगितले.
दरम्यान, डिग्रजवाडी येथेही नारायण गव्हाणे हे दुचाकीवरून शेतात जात असताना त्यांच्यावरही बिबट्याने झडप घालण्याचा प्रयत्न केला होता. सुदैवाने त्यांनी गाडीचा वेग वाढवल्याने ते बचावले.
शिरुरच्या बेट भागातील तामखरवाडी येथे बिबट्याचा दोघांवर जीवघेणा हल्ला, सुदैवाने दोघेही बचावले
Video: इंदोरीकर महाराजांच्या घरात शिरला बिबट्या अन्…
बापरे! शिरूर तालुक्यात बिबट्याची थेट शाळेच्या क्रीडांगणावरच एन्ट्री…
शिरूर तालुक्यात शेतीला पाणी देताना युवकावर केला बिबट्याने हल्ला…
