शिरूर (अरुणकुमार मोटे): शिरूर तालुक्यातील प्रीतमप्रकाश नगर येथील मोबाईल टॉवर (इंडस टॉवर क्र. 1052242) येथून अज्ञात चोरट्याने तब्बल २०,००० रुपयांच्या कॉपर व सोलर केबल्सची चोरी केली आहे. ही घटना १३ जून रोजी संध्याकाळी ५ ते १४ जून रोजी रात्री २.३५ च्या दरम्यान घडली आहे. याबाबत फिर्याद युवराज ईरभान वानखेडे (वय ५६), रा. कुंभारवाडा, शिक्रापूर यांनी शिक्रापूर पोलीस ठाण्यात दिली आहे.
चोरी गेलेल्या साहित्याची माहिती
बॅटरीबॅक पॉवर केबल (१० मीटर) – ₹३,५००
DCDB कॉपर केबल (२० मीटर) – ₹३,५००
सोलर कॉपर केबल (०७ मीटर) – ₹३,०००
बॅटरीबॅक सेल कॉपर (०२ मीटर) – ₹२,०००
सोलर कॉपर आर्मड केबल (१२० मीटर) – ₹६,००0
BTS कॉपर केबल (३० मीटर) – ₹२,०००
त्यानंतर, १४ जून रोजी दुपारी २.१७ वाजता, मौजे तांदळी येथील घोडनदी पुलाजवळ, काष्टी ते न्हावरा जाणाऱ्या रस्त्यावर चोरीचा हा प्रकार उघडकीस आला. या प्रकरणी शिक्रापूर पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून तपास पोलीस हवालदार भगत करीत आहेत. स्थानिक पोलिसांकडून परिसरातील सीसीटीव्ही फुटेज तपासण्यात येत असून, अज्ञात आरोपीचा शोध सुरू आहे.
