शिक्रापूर (शेरखान शेख): सनसवाडी (ता. शिरुर) येथे पंधरा वर्षीय शाळकरी मुलीचा तिघा युवकांनी पाठलाग करत विनयभंग केल्याची घटना घडली असल्याने शिक्रापूर पोलीस स्टेशन येथे प्रितेश लिओ सदाफुले, शक्तिमान माणिक आडे, कृष्णा सुहास मीरेवाड या तिघांवर गुन्हे दाखल करण्यात आले आहे.
सणसवाडी (ता. शिरुर) येथील अल्पवयीन पंधरा वर्षीय मुलगी शाळेतून घरी येत जात असताना तसेच क्लास वरुन घरी जात असताना प्रितेश सदाफुले, शक्तिमान आडे, कृष्णा मीरेवाड हे तिघे 10 दिवसांपासून मुलीचा पाठलाग करत होते. त्यानंतर त्यांनी मुलीला थांबवून तिचा मोबाईल नंबर मागत मुलीचा हात पकडून तिच्या मनात लज्जा उत्पन्न होईल, असे कृत्य केले.
त्यानंतर मुलीने घरी जाऊन घडत असलेला सर्व प्रकार पालकांना सांगितला असता तिच्या पालकांनी शिक्रापूर पोलीस स्टेशन गाठत घडलेल्या प्रकाराबाबत तक्रार दाखल केल्याने शिक्रापूर पोलिसांनी प्रितेश लिओ सदाफुले, शक्तिमान माणिक आडे, कृष्णा सुहास मीरेवाड तिघे रा. कवठेमळा सणसवाडी (ता. शिरुर) जि. पुणे या तिघांवर गुन्हे दाखल केले असून पुढील तपास पोलीस निरीक्षक प्रमोद क्षीरसागर यांच्या मार्गदर्शनाखाली महिला पोलिस उपनिरीक्षक माधुरी झेंडगे व पोलीस शिपाई अविनाश पठारे हे करत आहे.
