कारेगाव (तेजस फडके) रांजणगाव औद्योगिक वसाहतीतील ढोकसांगवी गावच्या हद्दीत परीटवाडी रोडवर कंटेनरने चालकाच्या बेजबाबदार पणामुळे एका दुचाकीला धडक बसुन दुचाकीस्वार खाली पडल्याने त्याच्या डोक्यावरुन कंटेनरचे चाक गेले. त्यामुळे डोक्याला मार लागुन हनुमंत भरत गव्हाणे (वय ३८) या दुचाकीस्वाराचा मृत्यू झाला असुन याबाबत त्यांची पत्नी सुवर्णा हनुमंत गव्हाणे (वय ३२) यांनी रांजणगाव MIDC पोलिस स्टेशनला फिर्याद दाखल केली आहे.
याबाबत रांजणगाव MIDC पोलिसांनी दिलेल्या माहितीनुसार दि २१ ऑगस्ट २०२४ रोजी सायंकाळी ७ वाजुन १०मिनिटांच्या सुमारास ढोकसांगवी गावच्या हद्दीत अथर्व कंपनीपासुन अंदाजे २०० मिटर अंतरावर परीटवाडी रोडवर हनुमंत भरत गव्हाणे (वय ४२) सध्या रा. ढोकसांगवी, परीटवाडी ता. शिरुर जि.पुणे मुळ रा. टाकळीहाजी ता. शिरूर जि. पुणे हे पत्नी सोबत कंपनीतुन सुटल्यानंतर दुचाकी क्रं एम एच १२ व्ही एक्स ८७१२ ही घेऊन रोडच्या कडेला थांबले होते.
त्यावेळी समोरुन परीटवाडी बाजुकडून अथर्व कंपनीकडे एक कंटनेर क्रं एम एच ०६ ए क्यु ०९९६ आला. या कंटेनरची ड्रायव्हर साईडने दुचाकीला धडक बसल्याने हनुमंत गव्हाणे दुचाकीवरुन खाली पडले. कंटेनरचे पाठीमागचे चाक हनुमंत गव्हाणे यांच्या डोक्यावरुन गेले. त्यामुळे डोक्याला मार लागुन ते जागीच मयत झाले. त्यामुळे कंटेनर चालकाने वाहतुकीच्या नियमांकडे दुर्लक्ष करुन भरधाव वेगाने धडक देऊन अपघात केल्याने त्याच्याविरोधात रांजणगाव MIDC पोलिस स्टेशनमध्ये गुन्हा दाखल करण्यात आला असुन पोलिस निरीक्षक महादेव वाघमोडे यांच्या मार्गदर्शनाखाली पोलिस उपनिरीक्षक मारुती पासलकर हे या घटनेचा पुढील तपास करत आहेत.
Video; पुणे-नगर रस्त्यावर फलके मळा येथे दोन दुचाकीच्या भीषण अपघातात एक जण ठार तर एक जण जखमी
रांजणगाव MIDC तील जामिल कंपनीत कामगाराच्या मृत्यू प्रकरणी प्रोडक्शन मॅनेजर व सुपरवायझरवर गुन्हा दाखल
