शिरुर (तेजस फडके) अखंड हिंदुस्थानचे आराध्य दैवत छत्रपती शिवाजी महाराज यांच्याबद्दल महाराष्ट्राचे राज्यपाल भगतसिंग कोश्यारी यांनी अवमानकारक वक्तव्य केल्याच्या विरोधात शिरुर येथे शिवसेना उद्धव बाळासाहेब ठाकरे यांच्या वतीने राज्यपालांचा निषेध करण्यात आला. येथील कृषी उत्पन्न बाजार समितीची आवारात असलेल्या छत्रपती शिवाजी महाराजांच्या पुतळ्याला यावेळी दुधाचा अभिषेक घालुन राज्यपाल कोश्यारी यांनी केलेल्या वादग्रस्त विधानामुळे शिवसैनिकांनी नाराजी व्यक्त केली.
महाराष्ट्राचे राज्यपाल भगतसिंग कोश्यारी यांनी याआधीही वारंवार क्रांतीज्योती सावित्रीबाई फुले, छत्रपती शिवाजी महाराज यांच्याबद्दल बेताल आणि वादग्रस्त विधाने केलेली आहेत. छत्रपती शिवाजी महाराज आमचे दैवत असुन महापुरुष हे आमची अस्मिता आहेत. त्यामुळे आम्ही सर्वजण राज्यपाल यांच्या पदाचा आदर करतो. पण त्यांनी त्या पदावर असताना बेजबाबदारपणे केलेल्या वक्तव्याचा जाहीर निषेध करतो असे शेतकरीसेना तालुकाप्रमुख योगेश ओव्हाळ यांनी सांगितले.
यावेळी शिवसेना उद्धव बाळासाहेब ठाकरे गटाच्या जिल्हा सल्लागार विजया टेमगिरे, तालुका संघटीका चेतना ढमढरे, उपतालुकाप्रमुख अनिल पवार, युवासेना तालुकाप्रमुख विजय लोखंडे, शहर संघटक राजेंद्र शिंदे, विभागप्रमुख अनिल लोंढे, ज्येष्ठ शिवसैनिक खुशालबापू गाडे, उपविभागप्रमुख पंकज शेळके, शिवसैनिक तुकाराम चौधरी तसेच अनेक शिवभक्त आणि शिवप्रेमी उपस्थित होते.
