शिक्रापूर (शेरखानशेख): शिक्रापूर (ता. शिरुर) येथील पुणे नगर महामार्गावर हॉटेल अजिंक्यातारा समोर अज्ञात वाहनाच्या धडकेत गोविंद संग्राम पवार या इसमाचा मृत्यू झाल्याची घटना घडली असल्याने शिक्रापूर पोलीस स्टेशन येथे अज्ञात वाहन चालकावर गुन्हे दाखल करण्यात आले आहे.
शिक्रापूर (ता. शिरुर) येथील पुणे नगर महामार्गावर असलेल्या अजिंक्यतारा हॉटेल समोरुन गोविंद पवार हे रस्ता ओलांडत असताना पुणे बाजूने भरधाव वेगाने आलेल्या वाहनाची गोविंद यांना जोरात धडक बसून अपघात झाला. यावेळी गोविंद हा रस्त्यावर पाडून गंभीर जखमी झाल्याने त्याला उपचारासाठी ग्रामीण रुग्णालयात नेण्यात आले.
मात्र उपचारा दरम्यान गोविद संग्राम पवार (वय ३६) रा. जकातेवस्ती शिक्रापूर (ता. शिरुर) जि. पुणे मूळ रा. कमलवाडी ता. देवणी जि. लातूर याचा मृत्यू झाला असून याबाबत सुदर्शन बापूराव बिरादार (वय ४६) रा. शिक्रापूर (ता. शिरुर) जि. पुणे मूळ रा. तांबरवाडी ता. निलंगा जि. लातूर यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात वाहन चालकावर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस निरीक्षक नितीन अतकरे हे करत आहे.
