शिरूर ( अरुणकुमार मोटे): शिरूर शहरातील शिवरत्न सोसायटी, शिक्षक कॉलनी येथून एका महिलेने आपल्या तीन वर्षांच्या मुलासह कोणतीही पूर्वसूचना न देता घर सोडल्याची घटना समोर आली आहे. या प्रकरणी शिरूर पोलीस ठाण्यात मिसिंगची नोंद करण्यात आली असून, पोलीस तपास सुरु आहे.
शिरूर पोलिसांनी दिलेल्या माहितीनुसार, पुजा मंगेश जौंजाळ (वय २६) व तिचा मुलगा सम्यक मंगेश जौंजाळ( वय ३) हे दोघे ३१ मे २०२५ रोजी रात्री ८.०८ ते ११.३० च्या दरम्यान शिरूर येथील आपल्या राहत्या घरातून कुठलीही माहिती न देता बाहेर गेले. त्यानंतर नातेवाईकांकडे शोध घेऊनही न सापडल्याने अद्याप पर्यत दोघेही परत न आल्याने पती मंगेश ताराचंद जौंजाळ यांनी शिरूर पोलीस ठाण्यात ते हरवल्याची तक्रार दाखल केली.
हरवलेली महिला पुजा हिचे वर्णन पुढीलप्रमाणे आहे – रंग गोरा, चेहरा उभागोल, नाक बसके, अंगाने मजबूत असून ती निळ्या रंगाचा लेगिंग व जांभळ्या रंगाचा कुर्ता परिधान करून होती. तिच्या पायात गुलाबी रंगाची चप्पल होती. तिच्यासोबत रेडमी कंपनीचे दोन मोबाईल फोन होते – क्र. 8788374409 आणि 7666887044.
हरवलेला मुलगा सम्यक वय वर्षे ३ वर्षे ६ महिने, रंग काळा सावळा, चेहरा गोल, नाक बसके, अंगाने मजबूत असून त्याने टी-शर्ट, हाफपॅन्ट आणि पांढऱ्या रंगाचे बूट परिधान केले होते.या प्रकरणी शिरूर पोलीस ठाण्यात मिसिंग रजिसअन्वये तक्रार दाखल असून, या घटनेचा पुढील तपास पो.ह. उमेश भगत हे करत आहेत. पुजा व सम्यक यांच्याबाबत कोणाला काही माहिती असल्यास शिरूर पोलीस ठाणे अथवा तक्रारदार मंगेश जौंजाळ संपर्क क्र. 9359822710 यांच्याशी संपर्क साधण्याचे आवाहन करण्यात आले आहे.
