रांजणगाव गणपती (किरण पिंगळे): येथील कै.रामभाऊ गोपाळा फंड स्मृती वाचनालयात स्वामी विवेकानंद व राजमाता जिजाऊ यांच्या जयंतीनिमित्त विविध क्षेत्रात उल्लेखनीय कामगिरी करणाऱ्या महिलांच्या हस्ते प्रतिमेंचे पूजन व अभिवादन करण्यात आले. यावेळी कै. रामभाऊ गोपाळ फंड स्मृती वाचनालयाच्या वतीने नियमित वाचकांना सन्मानित करण्यात आले.
यावेळी कार्यक्रमाच्या अध्यक्षस्थानी मानव विकास परीषदेच्या शिरूर तालुकाध्यक्ष विभावरी देव तर प्रमुख पाहूणे म्हणून जिल्हा परिषदेच्या माजी सदस्या कविताताई माणिक खेडकर, “शिरुर तालुका डॉट कॉम” च्या उपसंपादक किरण पिंगळे, शिरुर तालुका ग्रंथालय संघाचे अध्यक्ष विवेकानंद फंड, सामाजिक कार्यकर्त्या वैशाली बांगर, मंगलमुर्ती वुमन केअर फाउंडेशनच्या मंजुषा शिंदे मान्यवर उपस्थित होते.
हा कार्यक्रम यशस्वीरित्या पार पडण्यासाठी वाचनालयाच्या ग्रंथपाल नारायणी फंड व व्याख्याते निलेश माळी यांनी विशेष परिश्रम घेतले. यावेळी सोहम फंड, अमोल ढोले, श्रावणी फंड, नितीन खेंगरे, व वाचक मोठ्या संख्येने उपस्थित होते. ग्रंथपाल नारायणी फंड यांनी कार्यक्रमाचे सूत्रसंचालन व आभार मानले.
