जालना: जालना जिल्ह्यातील घनसावंगी तालुक्यातील बहिरगड गावात राहणाऱ्या राधाकिसन दिवटे या शेतकऱ्याच्या मोसंबी बागेची पाहणी आज (दि. 28) रोजी विधानपरिषदेचे विरोधी पक्षनेते अंबादास दानवे यांनी केली.
मोसंबीला बुरशी रोगाची लागण झाल्याने शेतकऱ्यांचे मोठे नुकसान झाले आहे. अद्याप शेतकऱ्यांच्या नुकसानीचे पंचनामे देखील झाले नाही. त्यांना मदत मिळवून देण्यासाठी शासन स्तरावर सर्वोतोपरी प्रयत्न करणार असल्याचे आश्वासन दानवे यांनी दिले.
यावेळी सहसंपर्क प्रमुख हिकमत उढाण, माजी सभापती शिवाजी शिवतारे जिल्हाप्रमुख आसाराम बोराडे, तालुकाप्रमुख जालना हरिभाऊ पोहेकर, मा. सभापती मधुकर साळवे, भास्कर अंबेकर, तालुकाप्रमुख उद्धव मरकड, युवासेनेचे गणेश काळे, रवी शिंदे, संतोष जाधव, शेतकरी व अधिकारी उपस्थित होते.
