औरंगाबाद: महाराष्ट्रात दरवर्षी बैल पोळा सण साजरा केला जातो. वर्षभर शेतात राबणाऱ्या बैलांप्रती कृतज्ञता व्यक्त करण्यासाठी बैल पोळा हा सण साजरा केला जातो.
आज बैलपोळा सणादिवशीच हृदयद्रावक घटना समोर आली आहे. यात बैल धुण्यासाठी गेलेल्या काका पुतण्याचा बुडून मृत्यू झाला. कचरु काळे (वय 33) आणि रितेश अजिनाथ काळे (18) अशी मृत काका पुतण्याची नावे आहेत. पोळ्याच्या पूर्वसंध्येला ही घटना घडल्याने परिसरात हळहळ व्यक्त केली जात आहे.
बैलपोळा असल्याने काका पुतण्या बैल धुण्यासाठी शेतालगत असलेल्या पाझर तलावात गेले होते. बैल धुताना अचानक पंढरीनाथ यांना बैलाने झटका दिला. हा झटका अतिशय जोराचा असल्याने त्यांचा तोल गेला आणि ते तलावात पडले. काका तलावात पडल्याचे पाहून पुतण्या रितेशने त्यांना वाचवण्यासाठी तलावात उडी घेतली असता रितेश आपल्या काकांना वाचण्याचा प्रयत्न करत होता. मात्र, दुर्दैवाने दोघांचाही बुडून मृत्यू झाला. बैल धुण्यासाठी गेलेल्या या चुलत्या पुतण्याला आपला जीव गमवावा लागला आहे.
