शिक्रापुर (अक्षय टेमगिरे): येथील ज्ञानमुद्रा स्कूलमध्ये १५ ऑगस्ट २०२५ रोजी देशाचा स्वातंत्र्यदिन मोठ्या उत्साहात साजरा करण्यात आला. सकाळी शाळेच्या प्रांगणात प्रमुख पाहुण्यांच्या हस्ते ध्वजारोहण करण्यात आले. त्यानंतर विद्यार्थ्यांनी देशभक्तीपर गीते, भाषणे व नृत्य सादर करून वातावरण देशभक्तीमय केले.
या कार्यक्रमात लहान मुलांपासून मोठ्या विद्यार्थ्यांपर्यंत सर्वांनी सक्रिय सहभाग नोंदवला. ‘देशप्रेम, एकता आणि आपली संस्कृती जपणे हीच खरी देशसेवा’ असा संदेश या कार्यक्रमातून देण्यात आला.
या कार्यक्रमाच्या शेवटी सर्वांना लाडू व चॉकलेटचे वाटप करण्यात आले. शाळेचे मुख्याध्यापक, शिक्षकवृंद व पालकांनी विद्यार्थ्यांच्या सादरीकरणाचे कौतुक केले व भविष्यातही अशा सांस्कृतिक उपक्रमात सहभाग घेण्याचे आवाहन केले.
