शिरूर (अरुणकुमार मोटे): फक्त इन्स्टाग्रामवर पाठविलेली फ्रेंड रिक्वेस्ट न स्वीकारल्याच्या कारणावरून शिरूर तालुक्यातील एका २१ वर्षीय तरुणावर चार जणांनी हल्ला केल्याची धक्कादायक घटना उघडकीस आली आहे. ही घटना मंगळवारी (दि. ३० सप्टेंबर) दुपारी अडीचच्या सुमारास डोंगरगण फाटा, हॉटेल स्वरा येथे घडली.
View this post on Instagram
फिर्यादी रोहन मळीभाऊ खामकर (वय २१, व्यवसाय- वेल्डिंग, रा. शिनगारवाडी म्हसे बु.) याने शिरूर पोलिसांकडे दिलेल्या तक्रारीत नमूद केले की, तो हॉटेल स्वरा येथे फॅब्रीकेशनचे काम करीत असताना आरोपी अमर मुंजाळ (रा. डोंगरगण), हर्षद खाडे, करण चव्हाण (दोघे रा. म्हसे बु.) व सचिन पवार (पत्ता अज्ञात) हे तिथे आले.
चार पाच दिवसांपूर्वी इन्स्टाग्रामवर पाठविलेली फ्रेंड रिक्वेस्ट स्वीकारली नसल्याचा राग धरून संशयितांनी एकत्रितपणे रोहनवर लाकडी दांडके, हात व लाथाबुक्क्यांनी तुफान मारहाण केली. या हल्ल्यात फिर्यादीच्या हातावर, डोक्यावर व तोंडावर गंभीर दुखापती झाल्या.
याबाबत शिरूर पोलीस ठाण्यात गुन्हा नोंद करण्यात आला असून,या प्रकरणाचा तपास सहाय्यक फौजदार प्रशांत गायकवाड हे करत आहे. या प्रकारामुळे परिसरात एकच खळबळ उडाली असून, सोशल मीडियावरील किरकोळ वाद किती गंभीर स्वरूप धारण करू शकतात याचे हे आणखी एक उदाहरण आहे.
रांजणगाव पोलीस स्टेशन हद्दीत २८ किलो गांजा जप्त; महिलेसह एक आरोपी अटक
शिरूर तालुक्यात गुटखा माफियांना अभय, पोलिसांच्या निष्क्रीयतेविरोधात संतापाची लाट
शिरूर पोलिसांत माजी आमदारासह अकरा जणांवर गुन्हा
शिरूर पोलिसांची धडाकेबाज कारवाई; अंमली पदार्थ विक्रीत युवक जेरबंद…
