शिक्रापूर (शेरखान शेख): वाडा पुनर्वसन (ता. शिरुर) येथे किरकोळ वादातून हातात कोयता घेऊन महिलेला शिवीगाळ, दमदाटी करत महिलेसह महिलेच्या पतीला शिवीगाळ, दमदाटी करत जीवे मारण्याची धमकी दिल्याची घटना घडली असल्याने शिक्रापूर पोलीस स्टेशन येथे चंद्रकांत ज्ञानेश्वर ढोरे यांच्या विरुद्ध गुन्हे दाखल करण्यात आले आहे.
वाडा पुनर्वसन (ता. शिरुर) येथे चंद्रकांत ढोरे याने त्याच्या पत्नीशी वाद घालत शिवीगाळ दमदाटी केली, त्याचवेळी रेखा ढोरे या घरी आलेल्या असताना चंद्रकांत याने हातात कोयता घेऊन रेखा यांसह त्यांच्या पत्नीला शिवीगाळ, दमदाटी करत जीवे मारण्याची धमकी दिली. दरम्यान रेखा यांनी शिक्रापूर पोलीस स्टेशन येथे फोन करुन पोलिसांची मदत मागवून घेत पोलीस स्टेशन गाठले.
याबाबत रेखा सुधीर ढोरे (वय ३२) रा. वाडापुनर्वसन कोरेगाव भीमा (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी चंद्रकांत ज्ञानेश्वर ढोरे (वय ४६) रा. वाडापुनर्वसन कोरेगाव भीमा (ता. शिरुर) जि. पुणे याचे विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली महिला पोलीस नाईक राणी भागवत करत आहे.
