बंगळुरू (कर्नाटक): मित्राचा गळा कापल्यानंतर रक्त पिल्याची संतापजनक घटना चिक्काबल्लापूर येथे घडली आहे. यावेळी दुसऱ्या मित्राने हा सर्व प्रकार आपल्या मोबाइलमध्ये कैद केला आहे. विजय असे अटक करण्यात आलेल्या आरोपीचे नाव आहे. माणुसकीला काळीमा फासणारा हा प्रकार पाहून पोलिसही हादरले.
मिळालेल्या माहितीनुसार, विजयच्या पत्नीचे मारेश सोबत अनैतिक संबंध होते. या रागातून 19 जून रोजी विजय आपला मित्र जॉनसोबत मिळून मारेशला जंगलात घेऊन गेला होता. जंगलात मारेशचा गळा चिरला आणि त्यानंतर त्याचे रक्त प्यायला. जॉनने आपल्या मोबाइलमध्ये ही घटना कैद केली. सोशल मीडियावर व्हिडिओ व्हायरल झाल्यानंतर पोलिसांनी तत्काळ विजयला अटक केली आहे.
पोलिसांनी दिलेल्या माहितीनुसार, जखमी मारेशला कोणीतरी रुग्णालयात दाखल केले होतं. येथे डॉक्टरांनी त्याच्यावर तातडीने उपचार सुरू केल्यामुळे तो बचावला आहे. सध्या त्याती प्रकृती ठीक आहे. याबाबत पोलिस पुढील तपास करत आहेत.