शिक्रापूर (शेरखान शेख): कोरेगाव भीमा (ता. शिरुर) एअरटेल कंपनीच्या असलेल्या मोबाईल टॉवरचे रुस कार्ड पार्ट सह काही साहित्य चोरीला गेले असल्याची घटना घडली असल्याने शिक्रापूर पोलीस स्टेशन येथे अज्ञात व्यक्तींवर गुन्हे दाखल करण्यात आले आहे.
कोरेगाव भीमा (ता. शिरुर) येथे एअरटेल मोबाईल कंपनीचे मोबाईल टॉवर असून (दि. 19) डिसेंबर रोजी रात्रींच्या सुमारास मोबाईल टॉवर बंद पडला असल्याचा फोन मोबाईल टॉवर कंपनीचे व्यवस्थापक संजय पाठक यांना आला. त्यामुळे पाठक यांनी सदर ठिकाणी जाऊन पाहणी केली असता येथील मोबाईल टॉवरचे काही बेस कार्ड मशीन सह काही पार्ट चोरीला गेले असल्याचे निदर्शनास आले.
याबाबत मोबाईल टॉवर कंपनीचे व्यवस्थापक संजय चंद्रभूषण पाठक (वय ४३) रा. साई पार्क दिघी पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात व्यक्तींवर गुन्हा दाखल केला असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस नाईक महेंद्र पाटील हे करत आहे.
