शिक्रापूर (शेरखान शेख): कोंढापुरी (ता. शिरुर) येथे पुणे नगर महामार्गावर रस्ता ओलांडत असताना स्कोर्पिओच्या धडकेत पांडुरंग रंगनाथ काळे या व्यक्तीचा मृत्यू झाल्याची घटना घडली असल्याने शिक्रापूर पोलीस स्टेशन येथे स्कोर्पिओ चालकावर गुन्हे दाखल करण्यात आले आहे.
कोंढापुरी (ता. शिरुर) येथील चौकातून पुणे नगर महामार्गावर पांडुरंग काळे हे रस्ता ओलांडत असताना अहमदनगर बाजूने पुणे बाजूकडे जाणाऱ्या एम एच १७ बी एक्स ५१७९ या स्कोर्पिओ कार ची काळे यांना जोरदार धडक बसली यावेळी काळे रस्त्यावर पडून गंभीर जखमी झाले.
दरम्यान येथील नागरिकांनी त्यांना तातडीने रुग्णालयात दाखल केले मात्र डॉक्टरांनी पांडुरंग रंगनाथ काळे (वय ८2) रा. कवठेमळा कोंढापुरी (ता. शिरुर) जि. पुणे यांचा मृत्यू झाल्याचे घोषित केले.
याबाबत मुरलीधर पांडुरंग काळे (वय ५२) रा. कवठेमळा कोंढापुरी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी एम एच १७ बी एक्स ५१७९ या स्कोर्पिओ वरील अज्ञात चालकावर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस उपनिरीक्षक राजेश माळी हे करत आहे.
