अहमदनगर : अहमदनगर जिल्ह्यात राहुरीकडून संगमनेरकडे जाणारी एसटी बसला अपघात होऊन ती पलटी झाली. या बसमधून मोठ्या संख्येने शाळेत आणि महाविद्यालयात जाणारे विद्यार्थी प्रवास करत होते. अपघातामध्ये विद्यार्थी जखमी झाले आहेत. सुदैवाने कोणतीही जीवितहानी झालेली नाही.
एसटी चालकाचे नियंत्रण सुटल्याने हा अपघात झाला आहे. एसटी बस राहुरीहून आश्वी शिबलापूर मार्गे संगमनेरकडे निघाली होती. मात्र पिंपरणे गावात पोहोचल्यानंतर बसचा रॉड तुटला. बसचा रॉड तुटल्याने चालकाचे वाहनावरील नियंत्रण सुटले आणि बस रस्त्याच्या कडेला पलटी झाली.
या बसमध्ये साधारण चाळीस विद्यार्थ्यांसह काही नागरीक प्रवास करत होते, सुदैवाने मोठी दुर्घटना टळली आहे. या अपघातामध्ये काही जण किरकोळ जखमी झाले आहेत. जखमी प्रवाशांना स्थानिकांच्या मदतीने तातडीने उपचारासाठी संगमनेर येथील रुग्णालयात दाखल करण्यात आले आहे. घटनेची माहिती मिळताच पोलिस घटनास्थळी पोहोचले.
भीषण अपघात! शिरूर तालुक्यात एसटीच्या चाकाखाली घुसली दुचाकी…
कोरेगाव भीमा येथे विद्यार्थ्यांचा भीषण अपघात; रस्त्यावर रक्ताचा सडा…
पुणे-अहमदनगर महामार्गावर अपघातात टेम्पो चालकाचा जागीच मृत्यू…
शिरुर येथील बोऱ्हाडे मळा येथील अपघातात उद्योजक सतिश नाईकरे यांचा मृत्यू
शिरुर तालुक्यात पुणे-नगर महामार्गावर अपघातात तरुणाचा मृत्यू…
