शिक्रापूर: टाकळी भीमा (ता. शिरुर) येथे घरगुती वादातून एका व्यक्तीने पत्नीला शिवीगाळ, दमदाटी करत मारहाण केल्याची घटना घडली असल्याने शिक्रापूर पोलीस स्टेशन येथे सचिन सुखदेव माहूलकर याचे विरुद्ध गुन्हे दाखल करण्यात आले आहे.
टाकळी भीमा (ता. शिरुर) येथील सचिन माहूलकर व श्वेता माहूलकर यांच्यात घरगुती वादातून भांडणे होत असत. रक्षाबंधनच्या दिवशी श्वेता घरात असताना सचिन याने तिला घरगुती वादातून शिवीगाळ, दमदाटी करत हाताने लाथाबुक्क्यांनी मारहाण केली. दरम्यान सचिन याने चुलीसमोरील लाकूड घेऊन श्वेताला मारहाण करत जखमी केले.
याबाबत श्वेता सचिन माहूलकर (वय २३) रा. टाकळी भीमा (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी सचिन सुखदेव माहूलकर (वय २३) रा. टाकळी भीमा (ता. शिरुर) जि. पुणे याच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार किशोर तेलंग हे करत आहे.
