शिक्रापूर (शेरखान शेख): कासारी (ता. शिरुर) येथील बंगल्याच्या सुरू असलेल्या कामाच्या ठिकाणहून सेंट्रींग कामाच्या प्लेटा चोरीला गेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यांवर गुन्हे दाखल करण्यात आले आहे.
कासारी (ता. शिरुर) येथील संतोष भुजबळ यांच्या प्लॉटिंगमध्ये इस्माईल खान यांच्या बंगल्याचे काम सुरु असून सदर काम रामानंद चौहान हे ठेकेदार करत आहेत, सध्या बंगल्याचे काम सुरु असल्याने चौहान यांनी सदर ठिकाणी सेंट्रींग कामाच्या प्लेटा ठेवलेल्या आहेत. २९ जानेवारी रोजी दिवसभर कामगार काम करुन घेरी गेले दुसऱ्या दिवशी पुन्हा आले असतान त्यांना सदर ठिकाणी ठेवलेल्या सेंट्रींग कामाच्या तब्बल 20 प्लेटा व काही साहित्य मिळून आले नाही. त्यामुळे त्यांनी आजूबाजूला सर्वत्र पाहणी केली असता कोठेही प्लेटा व इतर साहित्य मिळून आले नाही.
त्यामुळे सदर ठिकाणच्या प्लेटा व आदी साहित्य चोरीला गेल्याचे निदर्शनास आल्याने रामानंद जगती चौहान (वय ५१) रा. तळेगाव ढमढेरे (ता. शिरुर) जि. पुणे मूळ रा. मिसरवली ता. घोशी जि. मऊ राज्य उत्तरप्रदेश यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार अमोल चव्हाण हे करत आहे.
