रांजणगाव गणपती: सध्या शिरुर तालुक्यात विद्द्युत मोटारी, मोटारींच्या केबल यांच्या चोरीचे प्रमाण मोठ्या प्रमाणात वाढले असुन रांजणगाव औद्योगिक वसाहत तसेच बाभुळसर येथील दोन विजेच्या ट्रान्सफार्मर मधील सुमारे ३० हजार रुपये किंमतीच्या तांब्याच्या तारा अज्ञात व्यक्तींनी चोरुन नेल्या असुन याबाबत महाराष्ट्र राज्य विदयुत वितरण कंपणीचे वरीष्ठ तंत्रज्ञ संतोष लांडे यांनी रांजणगाव MIDC पोलीस ठाण्यात तक्रार दाखल केली आहे.
रांजणगाव पोलिसांनी दिलेल्या माहितीनुसार गुरुवारी (दि. ७) रोजी मध्यरात्री रांजणगाव MIDC हददीत असणाऱ्या सचिन इंजिनियरिंग तसेच बाभुळसर खुर्द या दोन्ही ठिकाण ट्रान्सफार्मर मधील तारा अज्ञात व्यक्तींनी चोरुन नेल्या असल्याचे शुक्रवार (दि. ८) रोजी सकाळी संतोष लांडे यांना महावितरणच्या कर्मचाऱ्यांकडुन माहीती मिळाली. त्यानंतर त्यांनी पोलीस ठाण्यात धाव घेत याबाबत तक्रार दाखल केली असुन रांजणगाव MIDC पोलीस ठाण्याचे पोलीस निरीक्षक बलवंत मांडगे यांच्या मार्गदर्शनाखाली पुढील तपास पोलीस नाईक नागरगोजे हे करत आहेत.
