शिक्रापूर: वढू बुद्रुक (ता. शिरुर) स्मशानभूमी परिसरातील विद्युत प्रवाह खंडित झालेला असल्याने वितरण विभागाचे कर्मचारी आकाश भैरुभैय्ये सदर ठिकाणी असलेल्या विद्युत रोहित्राची पाहणी करण्यासाठी गेले असता तेथील विद्युत रोहित्र जमिनीवर पाडून त्यातील तांब्याच्या पट्ट्या चोरट्यांनी चोरुन नेल्या असल्याचे भैरुभैय्ये यांना दिसून आले.
याबाबत विद्युत वितरण विभागाचे कर्मचारी आकाश नारायण भैरुभैय्ये (वय २८) रा. वढू बुद्रुक (ता. शिरुर) जि. पुणे मूळ रा. दत्तनगर औरंगाबाद जि. औरंगाबाद यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक पंडित मांजरे हे करत आहे.
