पंकजा मुंडेंची राजकारणातुन थेट छोट्या पडद्यावर एंट्री!

मनोरंजन

मुंबई: सध्या झी मराठी वाहिनीवरील ‘उंच माझा झोका’ हा कार्यक्रम चांगलाच चर्चेत आला आहे. विविध क्षेत्रात यशाचे शिखर गाठलेल्या कर्तृत्ववान महिलांचा सन्मान या कार्यक्रमाच्या माध्यमातून केला जातो. काही काळापासून बंद असलेला हा कार्यक्रम पुन्हा एकदा प्रेक्षकांच्या भेटीला येणार आहे.

‘उंच माझा झोका’ हा कार्यक्रम सध्या सोशल मीडियावर चांगलाच व्हायरल होत आहे. या प्रोमोचे वैशिष्ट्य म्हणजे कार्यक्रमाचे सुत्रसंचालन अभिनेत्री नव्हेतर एक दिग्गज महिला राजकारणी करणार आहे. याबाबत संपूर्ण माहिती अशी की, ‘उंच माझा झोका’ हा कार्यक्रम लवकरच प्रेक्षकांच्या भेटीला येणार आहे. कार्यक्रमाचे हे आठवे वर्ष असेल. विविध क्षेत्रातील अनेक दिग्गज महिला ज्यांनी आपल्या कर्तृत्वाची छाप पाडली आहे, अशा महिलांचा सन्मान या कार्यक्रमाच्या माध्यमातून केला जातो.

यावर्षीच्या कार्यक्रमाचे वैशिष्ट्य म्हणजे कार्यक्रमाच्या सुत्रसंचालनाची धुरा भाजपा नेत्या पंकजा मुंडे सांभाळणार आहेत. ज्याचा प्रोमो सध्या सोशल मीडियावर चांगलाच व्हायरल होताना दिसत आहे. पंकजा मुंडेंसोबत अभिनेत्री क्रांती रेडकरही सुत्रसंचालन करताना दिसणार आहे. त्यामुळेच पंकजा मुंडे आणि क्रांती रेडकरची जुगलबंदी पाहायला प्रेक्षक उत्सुक आहेत.