शिरुर (तेजस फडके) शिरुर तालुक्यातील रांजणगाव पोलिस स्टेशन हद्दीतील एका गावात अवघ्या सहा वर्षांच्या चिमुरडीवर एका ६५ वर्षाच्या व्यक्तीने अत्याचार झाल्याची धक्कादायक घटना समोर आली असून, या प्रकाराने परिसरात खळबळ उडाली आहे.
या गंभीर प्रकरणात रांजणगाव MIDC पोलिसांनी आरोपीला ताब्यात घेतले असून, तपासातून नेमके सत्य समोर येणार आहे. पोलिसांनी पुरावे संकलित करुन कायद्यानुसार कठोरात कठोर शिक्षा मिळावी, अशी मागणी संतप्त नागरिकांनी व्यक्त केली आहे.
शेजारीच राहणाऱ्या नराधमाने केला अत्याचार….
पिडीत लहान मुलगी हि आरोपीच्या शेजारीच राहत होती. त्यामुळे आरोपीने ओळखीचा गैरफायदा घेत तिच्यावर अत्याचार केला. हा प्रकार लक्षात आल्यानंतर पिडीत अल्पवयीन मुलीच्या कुटुंबाने रांजणगाव MIDC पोलिस ठाण्यात धाव घेतली. त्यानंतर पोलिसांनी तातडीने हालचाल करत आरोपीला ताब्यात घेतले.
