शिरुर (तेजस फडके) अजित पवार हे फार मोठे नेते आहेत. मी फार छोटा कार्यकर्ता आहे. मला दम देण्यापेक्षा अजित पवारांनी कांद्याला चांगला बाजार द्यावा. दुधाचे दर वाढवुन द्यावेत. मी शरद पवार साहेबांवर प्रेम करणारा कार्यकर्ता आहे. मी साहेबांसोबत गेलो म्हणुन जर तुम्ही या थराला जात असाल तर ते योग्य आहे का…? हे जनता ठरवेल असं प्रत्युत्तर आमदार अशोक पवार यांनी अजित पवारांना दिलं.
घोडगंगा साखर कारखान्याच्या संदर्भात बोलताना अशोक पवार म्हणाले, मागच्या वर्षी घोडगंगा साखर कारखान्याने 55 कोटी शॉर्ट टर्म (ST Loan) कर्ज घेतलं, ते सर्व कर्ज भरल. त्यानंतर आम्हाला नवीन कर्ज मिळणार होत. शिवाय या सरकारने सहा कारखान्यांना थकहमी दिली, राज्य बँकेचं कर्ज दिलं. तर काहींना NCDC चं कर्ज दिलं. आम्ही पण त्या प्रतिक्षेत होतो की त्यांच्यासारख आम्हाला पण कर्ज द्यावं. कारण आमचं खात NPA मध्ये नसल्याने आमचं खात व्यवस्थित होत.
जर जुन-जुलै महिन्यात कारखान्याचा एक रुपया थकीत नव्हता. तर आमचं कर्ज का अडवलं…? असा प्रश्न अशोक पवारांनी उपस्थित करत आम्ही वेळोवेळी विनंती करत असताना आम्हाला कर्ज देण्यास टाळाटाळ केली. परंतु राजकारण बदलल्याने मी शरद पवारांसोबत गेलो म्हणुन हि अडवणूक झाली का…? असं आम्हाला वाटायला लागलं.
तसेच शरद पवार साहेबांना मी पित्याच्या जागी मानतो. ते माझ्या हृदयातल स्थान आहे. मी कधीही मंत्रीपद सोडा मला पवार साहेबांनी पुन्हा आमदारकीचं तिकीट दिलं नाही. तरी मला काहीच अडचण नाही. मला साहेबांसोबत राहायचंआहे हे मी जाहीर सभेत सांगितलं. सन 1976 माझ्या कॉलेज जीवनापासुन मी पवार साहेबांवर नितांत प्रेम करणारा कार्यकर्ता आहे. मी माझी निष्ठा का सोडू असेही ते म्हणाले. त्यामुळे सर्वसामान्य कार्यकर्त्यांना अजित पवार यांनी अशी दमबाजी करणे योग्य नसल्याचे पवार म्हणाले.
;अरे पठ्या तु आमदारचं कसा होतो ते बघतो ; अजित पवारांचं अशोक पवारांना खुलं आव्हान