शिरुर (अरुणकुमार मोटे) शिरुर तालुक्यातील ९६ ग्रामपंचायतींच्या सरपंचपदाच्या आरक्षणाची सोडत बुधवार (दि २३) रोजी मोठ्या उत्साहात आणि कार्यकर्त्यांच्या गर्दीत पार पडली. शिरुर तहसिल कार्यालयातील सभागृहात प्रांताधिकारी पुनम अहिरे व तहसीलदार बाळासाहेब म्हस्के यांच्या उपस्थितीत ही सोडत काढण्यात आली. विद्यार्थ्यांचे प्रतिनिधित्व करत समीक्षा गिरमकर आणि वरद जाधव यांच्या हस्ते आरक्षण सोडतीचे औपचारिक उद्घाटन करण्यात आले.
आरक्षणाचे एकूण प्रमाण खालीलप्रमाणे
सर्वसाधारण महिला – ३० ग्रामपंचायती
सर्वसाधारण – २९ ग्रामपंचायती
ओबीसी सर्वसाधारण – १३ ग्रामपंचायती
ओबीसी महिला – १३ ग्रामपंचायती
अनुसूचित जाती सर्वसाधारण – ४ ग्रामपंचायती
अनुसूचित जाती महिला – ४ ग्रामपंचायती
अनुसूचित जमाती सर्वसाधारण – १ ग्रामपंचायत
अनुसूचित जमाती महिला – २ ग्रामपंचायती
या सोडतीमुळे अनेकांच्या राजकीय आकांक्षा उंचावल्या तर काहींची निराशा झाली. त्यामुळे गावागावात ‘कहीं खुशी, कहीं गम’ अशी स्थिती दिसून आली.
आरक्षणाचे महत्त्वाचे ठळक तपशील…
मुखई आणि जांबूत ग्रामपंचायती अनुसूचित जाती महिला प्रवर्गासाठी आरक्षित.
वडगाव रासाई ग्रामपंचायत अनुसूचित जमाती महिला प्रवर्गासाठी आरक्षित.
निमोणे, पिंपळे जगताप ग्रामपंचायती ओबीसी महिला प्रवर्गासाठी, तर कवठे येमाई ग्रामपंचायत ओबीसी सर्वसाधारण प्रवर्गासाठी राखीव.
तर्डोबाचीवाडी, न्हावरे, शिक्रापूर ग्रामपंचायती सर्वसाधारण महिला प्रवर्गासाठी आरक्षित.
शिरुर ग्रामीण, टाकळी हाजी, रांजणगाव गणपती, मलठण, सणसवाडी, मांडवगण फराटा, इनामगाव ग्रामपंचायती सर्वसाधारण गटासाठी खुल्या राहिल्या आहेत.
प्रवर्गानुसार ग्रामपंचायतींचे आरक्षण तपशील…
अनुसूचित जाती (महिला): मुखई, गोलेगाव, वढु बुद्रुक, जांबूत
अनुसूचित जाती (सर्वसाधारण): आमदाबाद, वाजेवाडी, निमगाव म्हाळुंगी, हिवरे
अनुसूचित जमाती (महिला): वडगाव रासाई, माळवाडी
अनुसूचित जमाती (सर्वसाधारण): कुरुळी
ओबीसी महिला आरक्षण: निमगाव भोगी, रावडेवाडी, निमोणे, नागरगाव, पिंपळसुटी, पिंपळे जगताप, पिंपरी दुमाला, सादलगाव, म्हसे बु., शरदवाडी, वाडा पुनर्वसन, चव्हाणवाडी, कर्डे
ओबीसी सर्वसाधारण आरक्षण: वाघाळे, अण्णापूर, खैरेवाडी, पारोडी, खंडाळे, फाकटे, कोळगाव डोळस, मिडगुलवाडी, कवठे येमाई, आंधळगाव, गणेगाव खालसा, कासारी, कान्हूर मेसाई, कारेगाव
सर्वसाधारण महिला आरक्षण: आंबळे, कळवंतवाडी, धानोरे, टाकळी भीमा, आपटी, केंदुर, कोरेगाव भीमा, चिंचोली मोराची, शिंदोडी, उरळगाव, गणेगाव दुमाला, पाबळ, भांबर्डे, बुरुंजवाडी, खैरेनगर, विठ्ठलवाडी, आलेगाव पागा, शिक्रापूर, मोटेवाडी, डिंग्रजवाडी, कोंढापुरी, पिंपरखेड, वरुडे, निमगाव दुडे, निर्वी, बाभुळसर बुद्रुक, तर्डोबाचीवाडी, न्हावरे, दरेकरवाडी, गुनाट
सर्वसाधारण प्रवर्ग आरक्षण: ढोकसांगवी, चिंचणी, शिरूर ग्रामीण, काठापूर खुर्द, वडनेर खुर्द, शिरसगाव काटा, टाकळी हाजी, चांडोह, करंदी, रांजणगाव सांडस, तांदळी, कर्डेलवाडी, मांडवगण फराटा, तळेगाव, सोने सांगवी, दहिवडी, सणसवाडी, मलठण, रांजणगाव गणपती, बाभुळसर खुर्द, संविदणे, सरदवाडी, जातेगाव बु., धामारी, इनामगाव, जातेगाव खुर्द, खैरेवाडी, करंजवणे, पिंपरी खालसा.
गावांच्या विकासासाठी व ग्रामपंचायतींच्या सशक्त नेतृत्वासाठी ही आरक्षण सोडत महत्त्वाची मानली जात आहे. लवकरच निवडणुकीच्या रणसंग्रामाला सुरुवात होणार असून, नवे नेतृत्व कोणते उगम पावतं, याकडे सर्वांचा उत्सुकतेने पाहिलं जात आहे.
अण्णापूरमध्ये बेकायदेशीर घातक कचरा जाळल्याचा प्रकार
शिरुर तालुक्यात जुन्या वादातुन दाजीची मेहुण्याला बेदम मारहाण; गुन्हा दाखल
मलठणमध्ये भीषण अपघात 19 वर्षीय तरुणाचा मृत्यू, चालक अपघातस्थळावरून फरार
