कारेगाव (तेजस फडके) ढोकसांगवी शिवारातील गट नंबर ५०१ मधील विहिरीत एका अनोळखी इसमाचा मृतदेह आढळून आल्याने परिसरात खळबळ उडाली आहे. या प्रकरणी ऋषीकेश काळुराम मलगुंडे (वय २८) रा. मलगुंडे वस्ती, ढोक सांगवी) यांनी रांजणगाव MIDC पोलिसांना याबाबत माहिती दिली आहे.
ऋषीकेश मलगुंडे हे आज (दि ८) रोजी सकाळी विहिरीवर पाण्याची मोटार सुरु करण्यासाठी गेले असताना विहिरीच्या पाण्यात एक अनोळखी पुरुष जातीचा मृतदेह (वय अंदाजे २० ते २५ वर्षे) मृतावस्थेत तरंगताना दिसला. त्यांनी तात्काळ पोलीस पाटील दिपक मलगुंडे यांना माहिती दिली. त्यानंतर घटनेची माहिती रांजणगाव एम आय डी सी पोलीस स्टेशन (Ranjangaon MIDC Police) येथे कळविण्यात आली.
रांजणगाव पोलीसांनी फायर ब्रिगेडच्या मदतीने मृतदेह विहिरीबाहेर काढला. त्यावेळी मृतदेह सडलेला, चेहरा जलचर प्राण्यांनी कुरतडलेला, तसेच पाण्यामुळे हातपायाचे तळवे पांढरे झालेले स्थितीत आढळून आला. मृत इसमाच्या अंगावर फिकट जांभळा फुलबाह्याचा शर्ट, निळ्या रंगाची जीन्स पॅन्ट (नाडीने बांधलेली) काळ्या रंगाची जॉकी कंपनीची अंडरवेअर, डोक्यावर टक्कल, दाढी-मिशा नाहीत अशी माहिती नमुद करण्यात आली आहे.
सदर इसमाच्या शवविच्छेदन अहवालानंतर त्याचा पाण्यात बुडून मृत्यू झाला असल्याची माहिती मिळाली आहे. सदर मृत इसमाची ओळख पटवण्याचे प्रयत्न सुरु असुन रांजणगाव MIDC पोलीस स्टेशनचे तपासी अंमलदार राजेश कर्डिले हे या घटनेचा पुढील अधिक तपास करत आहेत. सदर मयत व्यक्तीबाबत कोणत्याही व्यक्तीस सदर वर्णनाशी जुळणारा हरवलेला नातेवाईक असल्यास पोलीस स्टेशनशी संपर्क साधावा, असे आवाहन करण्यात आले आहे.
रांजणगाव येथील तिहेरी खून प्रकरणाचा अवघ्या १२ दिवसांत उलगडा पुणे ग्रामीण पोलिसांची कामगिरी
रांजणगाव तिहेरी हत्याकांड; लव्ह, सेक्स आणि धोका…?
शिरुर मध्ये सामाजिक कार्यकर्ते निलेश वाळुंज यांच्यासह कार्यकर्त्यांचे सामुहिक मुंडण
