अहमदनगर: संगमनेर तालुक्यातील खांडगाव शिवारात सकाळी शेतातील ऊसाला पाणी देण्यासाठी गेलेल्या शेतकर्‍यावर बिबट्याने हल्ला केला. यात परसराम जिजाबा गुंजाळ (वय 43) हे जखमी झाले आहे.
परसराम गुंजाळ हे शेतातील ऊसाला पाणी देण्यासाठी गेले होते. ऊसाच्या शेतात दबा धरुन बसलेल्या बिबट्याने अचानक त्यांच्यावर हल्ला केला. जखमी परसराम गुंजाळ यांना घुलेवाडी ग्रामीण रुग्णालयात उपचारार्थ दाखल करण्यात आले.
घटनेची माहिती वनविभागाला मिळताच वनक्षेत्रपाल लोंडे, श्रीमती कोंढार, कोळी, यादव यांनी ग्रामीण रुग्णालयात येवून जखमीची विचारपूस केली. परसराम गुंजाळ यांच्यावर प्राथमिक उपचार करण्यात येवून त्यांना पुढील उपचारार्थ नाशिक येथे हलविण्यात आले आहे.
