मुंबई: मुंबई आणि परिसरातील सामाजिक, सांस्कृतिक पर्यावरणपूरक तसेच उल्लेखनीय कार्य करणाऱ्या गणेशोत्सव मंडळांच्या कार्याचा गौरव करण्यासाठी ‘हॅश टॅग बाप्पा सन्मान २०२५’ या भव्य पुरस्कार सोहळ्याचे आयोजन करण्यात आले आहे. ‘टेकेरियस डेव्हलपमेंट’ प्रस्तुत आणि ‘बँड्स मेकर’ आयोजित या उपक्रमाला ‘मुंबईचा गणेशोत्सव’ आणि ‘माई मीडिया २४’ यांचे सहकार्य लाभले असून, एनजीओ पार्टनर म्हणून मून चॅरिटेबल ट्रस्ट महत्त्वाची भूमिका बजावणार आहे.
गणेशोत्सव हा महाराष्ट्राच्या संस्कृती, परंपरा आणि जनशक्तीचे प्रतीक मानला जातो. लोकमान्य बाळ गंगाधर टिळक यांनी सार्वजनिक गणेशोत्सवाला व्यापक स्वरूप देत समाजप्रबोधन, एकता आणि जनजागृतीचे प्रभावी माध्यम निर्माण केले. त्याच परंपरेचा गौरव करण्याच्या उद्देशाने हा विशेष पुरस्कार सोहळा आयोजित करण्यात आला आहे.
महाराष्ट्र शासनाने गेल्या वर्षी गणेशोत्सवाला ‘महाराष्ट्र राज्य महोत्सव’ म्हणून घोषित केल्यानंतर या उत्सवाची जागतिक स्तरावर ओळख अधिक दृढ करण्यासाठी ‘हॅश टॅग बाप्पा सन्मान २०२५’ हा उपक्रम राबविण्यात येत आहे.हा पुरस्कार सोहळा रविवार, १४ जून २०२६ रोजी सायंकाळी ४ वाजता Yashwantrao Chavan Centre येथे आयोजित करण्यात आला आहे. सामाजिक बांधिलकी जपणारी, पर्यावरणपूरक उपक्रम राबविणारी, कलात्मक देखावे सादर करणारी तसेच वर्षभर विविध सामाजिक कार्यात सक्रिय असलेल्या नामांकित गणेशोत्सव मंडळांचा यावेळी विशेष सन्मान करण्यात येणार आहे.कार्यक्रमास सांस्कृतिक मंत्री Ashish Shelar, मुंबईच्या महापौर Ritu Tawde तसेच अभिनेते Vijay Patkar प्रमुख पाहुणे म्हणून उपस्थित राहणार आहेत.
गणेशोत्सव मंडळांचे समाजासाठीचे योगदान, सामाजिक बांधिलकी आणि निष्ठा यांचा गौरव करण्यासाठी हा उपक्रम महत्त्वपूर्ण ठरणार असून, गणेशोत्सवाला जागतिक मंचावर अधिक प्रभावीपणे पोहोचविण्याचा प्रयत्न या कार्यक्रमाच्या माध्यमातून केला जाणार आहे. अधिक माहितीसाठी इच्छुकांनी ९१३६१३६१५२ या क्रमांकावर संपर्क साधावा, असे आवाहन आयोजकांनी केले आहे.
