मुंबई: विधान भवनात अर्थसंकल्पीय अधिवेशन सुरू होण्याच्या पहिल्याच दिवशी आ. माधुरी मिसाळ, आ. मनीषा कायंदे, आ. अदिती तटकरे, आ. प्रणिती शिंदे, आ. ऋतुजा लटके, आ. श्वेता महाले, आ. प्रतिभा धानोरकर, आ. मोनिका राजळे या महिला आमदारांनी विधान परिषद उपसभापती ना. डॉ. नीलम गोऱ्हे यांची सभापती दालनात भेट घेतली.
डॉ. गोऱ्हे यांच्या मातोश्री लतिका दिवाकर गोऱ्हे यांचे (दि २०) फेब्रुवारी २०२३ रोजी पुण्यात निधन झाले. त्या पार्श्वभूमीवर या सर्व मान्यवरांनी डॉ. गोऱ्हे यांची विधान भवनात सभागृहाचे कामकाज सुरू होण्यापूर्वीच भेट घेऊन राजकीय जीवनातील वैयक्तिक पातळीवरील संवेदना जागृत असल्याची प्रचिती दिली. डॉ. गोऱ्हे यांनी या सदस्यांच्या सहवेदनेबाबत ऋण व्यक्त केले आहे.
