शिक्रापूर (शेरखान शेख): शिक्रापूर (ता. शिरुर) येथील संतोष दशरथ काळे या युवकास शालेय जीवनापासून लिखाणाची आवड असून शालेय जीवनात त्याने दहा ते बारा ग्रंस्थ स्व हस्ताक्षरात लिहिलेले असून सध्या त्याने स्वलिखित 121 कविता लिहिल्या आहेत.
शिक्रापूर (ता. शिरुर) येथील संतोष दशरथ काळे या युवकाला शालेय जीवनापासून लिखाणाची व वाचनाची आवड आहे. शालेय जीवनात देखील अनेक कथा, कविता लिहित त्याने काही ग्रंथ देखील स्व अक्षरात लिहून काढलेले आहेत.
काही दिवसांपूर्वी आलेल्या कोरोना काळातील लॉकडाऊन मध्ये मिळालेल्या वेळेचा संतोष ने सदुपयोग करत काही कविता लिहिण्यास सुरवात केली. त्यातून त्याने राजकारण, कोरोना, सामाजिक, धार्मिक, युवक, आई वडील, मित्र यांसह आदी विषयांवर आधारित तब्बल 121 कविता लिहिल्या आहेत.
पुढील काळात संतोष त्याच्या मित्रांच्या मदतीने त्याने लिहिलेल्या कवितांवर आधारित पुस्तकाची निर्मिती करणार असून नुकतेच त्याने प्रसिद्ध लेखक प्रा. कुंडलिक कदम यांची भेट देखील घेतली असल्याचे संतोष काळे यांनी सांगितले, तर संतोष काळे यांच्या या उपक्रमाचे परिसरातून कौतुक होत आहे.
