शिक्रापूर (शेरखान शेख): सणसवाडी (ता. शिरुर) येथे शनिवार (दि. १०) सप्टेंबर रोजी राष्ट्रीय श्रमिक आघाडीचे अध्यक्ष यशवंत भोसले यांच्या मार्गदर्शनाखाली कामगारांच्या प्रश्नांबाबत आवाज उठवण्यासाठी कामगार संवाद मेळाव्याचे आयोजन करण्यात आले असल्याची माहिती राष्ट्रीय श्रमिक आघाडीचे शिरुर तालुकाध्यक्ष रेवननाथ गायकवाड यांनी दिली आहे.
सणसवाडी (ता. शिरुर) येथील कृष्णलीला गार्डन मंगल कार्यालय येथे कामगारांच्या प्रश्नांबाबत आवाज उठवण्यासाठी तसेच कामगारांचे प्रश्न समजून घेत चर्चा करण्यासाठी राष्ट्रीय श्रमिक आघाडीचे अध्यक्ष यशवंत भोसले यांच्या नेतृत्त्वाखाली कामगार संवाद मेळाव्याचे आयोजन करण्यात आले आहे.
यावेळी कामगारांसह शेतकरी, विद्यार्थी, व्यापारी यांचे प्रश्न तसेच सध्याचे बदलते कामगार विरोधी कायदे याबाबत यशवंत भोसले सदर मेळाव्यात मार्गदर्शन करणार असून राष्ट्रीय श्रमिक आघाडी या संघटनेची पुढील दिशा काय असणार याबाबत देखील राष्ट्रीय श्रमिक आघाडीचे अध्यक्ष यशवंतभाऊ भोसले चर्चा करणार आहेत, तरी सर्व क्षेत्रातील संघटीत, असंघटीत कामगारांना सदर मेळाव्यास उपस्थित रहावे, असे आवाहन राष्ट्रीय श्रमिक आघाडीचे शिरुर तालुकाध्यक्ष रेवननाथ गायकवाड यांनी केले आहे.
