शिरुर (अरुणकुमार मोटे): दरवर्षी २६ जून हा दिवस जागतिक अंमली पदार्थ विरोधी दिन म्हणुन साजरा केला जातो. शिरुर येथील विद्याधाम प्रशाला येथील विद्यार्थ्यांच्या जनजागृतीसाठी शिरुरचे सहायक पोलीस निरीक्षक संदीप यादव, पोलीस उपनिरीक्षक एकनाथ पाटील, महिला पोलीस उपनिरीक्षक स्नेहल चरापले यांनी विद्यार्थ्यांना कोणत्याही प्रकारचे अमली पदार्थांचे सेवन करुन व्यसनाच्या आहारी न जाता. स्वतःच्या उज्वल भविष्यासाठी उच्च ध्येय बाळगा आणि आयुष्यात यशस्वी व्हा.
तसेच अमली पदार्थापासुन दुर रहा, निरोगी आयुष्य जगा असा सल्ला देत कोणतेही व्यसन हे आरोग्याला घातकच असते. त्यामुळे भविष्यात कोणतेही व्यसन करु नका. याबाबत मार्गदर्शन केले. तसेच तुमचे आई वडील हे तुमच्यासाठीच काम करत असतात. त्यामुळे त्यांना तुमच्याकडे लक्ष द्यायला पुरेसा वेळ भेटत नाही. त्यामुळे व्यसनांपासुन कसे दुर राहता येईल याबाबत सखोल मार्गदर्शन केले. या कार्यक्रमासाठी विद्याधाम शाळेचे कोकाटे सर, बनकर सर सामाजिक कार्यकर्ते प्रतीक बनकर, शिरुर पोलिस स्टेशनचे गोपनीय अंमलदार राजेंद्र गोपाळे हे उपस्थित होते.
