शिक्रापूर (शेरखान शेख): तळेगाव ढमढेरे (ता. शिरुर) येथील समता शिक्षण संस्थेच्या आनंदाश्रम प्राथमिक शाळेतील तब्बल 220 विद्यार्थ्यांना शैक्षणिक साहित्य वाटप करण्यात आले आहे.
तळेगाव ढमढेरे (ता. शिरुर) येथील समता शिक्षण संस्थेच्या आनंदाश्रम प्राथमिक शाळेत पुणे येथील ब्रेन बीज सोल्युशन प्रायव्हेट लिमिटेड कंपनीच्या वतीने विद्यार्थ्यांना दोन गणवेश, रेनकोट, बूट, स्वेटर यांसह पहिली ते सातवी पर्यंतच्या प्रत्येक वर्गाला एक लॅपटॉप असे शैक्षणीक साहित्य वाटप करण्यात आले असून सदर साहित्याचे वाटप ब्रेन बीज सोल्युशन प्राइवेट लिमिटेड कंपनीचे मंजुळा राव यांच्या हस्ते करण्यात आले.
याप्रसंगी समता शिक्षण संस्थेचे सुनील कामत, ॲड. प्रतिभा गवळी केशव पवार, संदीप गोसावी, विजया अहिरे, शशिकला खेडेकर, दिलीप गायकवाड यांसह आदी उपस्थित होते. सदर कार्यक्रमाचे सूत्रसंचालन शंकर शिंदे यांनी केले, तर प्रास्ताविक विजय भोर यांनी केले आणि निलेश देसले यांनी आभार मानले.
