रांजणगाव गणपती (तेजस फडके) रांजणगाव MIDC पोलिस स्टेशनच्या हद्दीत एका 23 वर्षीय युवकाने एक गावठी बनावटीचे पिस्टल आणि एक जिवंत काडतुस जवळ बाळगल्या प्रकरणी पोलिसांनी त्याला अटक केली असुन याबाबत पोलिस कॉन्स्टेबल विजय शिंदे यांनी फिर्याद दिल्याने आकाश हरिदास पाटील (वय 23) रा. रांजणगाव, ता. शिरुर जि.पुणे मुळ रा. ममुराबाद ता. जि. जळगाव याच्यावर गुन्हा दाखल करण्यात आला आहे.
याबाबत रांजणगाव MIDC पोलिसांनी दिलेल्या माहितीनुसार आरोपी आकाश पाटील हा (दि 18) रोजी सायंकाळी 6 च्या सुमारास रांजणगांव येथील पल्लवी उद्योग समुहा समोर गावठी बनावटीचे पिस्टल व जिवंत काडतुस हे विनापरवाना तसेच बेकायदा स्वतःच्या जवळ बाळगुन त्याची विक्री करत असताना पोलिसांनी त्याला अटक केली असुन रांजणगाव पोलीस स्टेशन या घटनेचा पुढील तपास पोलिस हवालदार सरजिने हे करत आहेत.
