शिरुर (अरुणकुमार मोटे) राज्यात लोकसभेपाठोपाठ आता विधानसभा निवडणुकीचे वारे वाहत आहे. त्या दृष्टीने अनेक इच्छुक उमेदवार आपली ताकद आजमावुन निवडणुकीच्या रिंगणात उतरण्याच्या तयारीत आहेत. त्यामध्ये शिरुर तालुक्यातील पुर्व भागातील एक माजी सनदी आधिकारी निवडणुकीच्या मैदानात उतरण्याची जोरदार तयारी करत आहे. घोडगंगा कारखाना बंद असल्यामुळे तेथील शेतकरी, कामगारवर्ग तसेच विद्यमान आमदार अशोक पवार यांच्यावरील नाराज गट आपल्याकडे वळतील अशी आशा या अधिकाऱ्याला वाटत आहे.
त्यामुळे भविष्यकाळामध्ये आमदार अशोक पवार यांना त्यांच्याच भागातुन आव्हान उभे राहणार असल्याची जोरदार चर्चा शिरूर तालुक्यात चांगलीच रंगली आहे. सदर सनदी अधिकारी राष्ट्रवादी काँग्रेसच्या अजित दादा गटाकडुन लढण्यास इच्छुक आहे. तर दस्तूर खुद्द अजित पवार हे अशोक पवार यांच्या विरोधात लढण्याची तयारी करत असल्याची चर्चा शिरुर तालुक्यात चांगली रंगली आहे.
नुकतेच अजित पवार हे त्यांच्या वाढदिवसानिमित्त रांजणगाव गणपती येथे दर्शनासाठी आले होते. त्यावेळी त्यांनी रांजणगाव, शिरुर परिसरातील नागरिकांबरोबर वेळ घालवत समस्या जाणुन घेऊन संवाद साधला आहे. एकुणच आगामी विधानसभा ही फारच अटीतटीची होणार असल्याची चर्चा शिरुर-हवेली मतदारसंघात होत आहे.
शिरुर तालुक्यातील सर्व प्रवर्ग दिव्यांगासाठी महाराजस्व अभियान राबवणार; बाळासाहेब म्हस्के
रांजणगाव येथील महागणपती मंदिरात संकष्ट चतुर्थी निमित्त सामुहिक अथर्वशीर्ष पठण
