शिरूर (अरुणकुमार मोटे) : काठापूर खुर्द (ता. शिरूर) गावचे माजी लोकनियुक्त सरपंच बिपीन सुदाम थिटे यांचे आज (शुक्रवार) हृदयविकाराच्या धक्क्याने आकस्मिक निधन झाले. त्यांच्या निधनाचे वृत्त कळताच परिसरात दुःखाचे वातावरण पसरले. बिपीन थिटे यांच्यावर काठापूर खुर्द येथे शोकाकुल वातावरणात अंत्यसंस्कार करण्यात आले. यावेळी हजारोंचा जनसमुदाय उपस्थित होता. थिटे हे मागील पंचवार्षिक निवडणुकीत लोकनियुक्त सरपंच म्हणून तर सध्या त्यांच्या पत्नी सीमा थिटे या काठापूर खुर्द येथे लोकनियुक्त सरपंच म्हणून कार्यरत आहेत.
थिटे यांच्या कार्यकाळात त्यांनी आपल्या व पत्नीच्या पदाच्या माध्यमातून अनेक विकासकामे तसेच सर्वसामान्य जनतेची कामे करण्यामध्ये मोठे योगदान दिले होते. थिटे यांचे गावच्या जडणघडणीबरोबरच सामाजिक, राजकीय, शैक्षणिक तसेच अध्यात्मिक क्षेत्रात मोठे योगदान होते.
या घटनेची माहिती मिळताच राज्याचे सहकारमंत्री दिलीप वळसे पाटील, माजी आमदार पोपटराव गावडे, बाजार समितीचे माजी सभापती प्रकाशबापू पवार, भीमाशंकर साखर कारखान्याचे अध्यक्ष बाळासाहेब बेंडे, उपाध्यक्ष प्रदीप वळसे पाटील, माजी सभापती देवदत्त निकम, राष्ट्रवादीचे शिरूर – आंबेगाव तालुकाध्यक्ष मानसिंग पाचुंदकर, राष्ट्रवादीचे जिल्हा उपाध्यक्ष राजेंद्र गावडे, टाकळी हाजीचे सरपंच दामू घोडे, बाळासाहेब भोर, खरेदी विक्री संघांचे संचालक बाबाजी निचित, संपत पानमंद, माजी नगराध्यक्षा मनिषा गावडे, शुभांगी पडवळ यांचेसह विविध गावातील सरपंच, उपसरपंच, विकास सोसायटीचे अध्यक्ष यांचेसह विविध संस्थांचे पदाधिकारी, अधिकारी, शिक्षक, पत्रकार व ग्रामस्थ मोठ्या संख्येने उपस्थित होते. प्रसंगी शोकाकुल वातावरणात थिटे यांच्यावर अंत्यसंस्कार करण्यात आले. त्यांच्या पश्चाताप आई, वडील, भाऊ, पत्नी, मुले असा मोठा परिवार आहे.
सरपंच, उपसरपंचांचे मानधन झाले दुप्पट; पाहा मानधनाची रक्कम…
शिरुर नगरपरिषदेच्या मुख्याधिकारीपदी प्रितम पाटील
शिरुर तालुका डॉट कॉम व रामलिंग महिला उन्नती च्या घरगुती गौरी गणपती सजावट स्पर्धेचे बक्षीस वितरण
शिरूचे पोलिस निरीक्षक संदेश केंजळे यांची पहिले जनसुनवाई मगच कारवाई…
MEPL च्या विरोधात खासदार डॉ अमोल कोल्हे यांच्याप्रमाणे विधानसभेत आवाज उठवणार; अॅड अशोक पवार
