शिरुर (अरुणकुमार मोटे): मलठण (ता. शिरुर) येथील तरुण तडफदार युवक मच्छिंद्र कदम यांची शिंदे गटाच्या (बाळासाहेबांची शिवसेना) उपजिल्हाप्रमुखपदी निवड झाली आहे. या निवडीप्रसंगी माजी खासदार शिवाजी दादा आढळराव पाटील, युवा सेना जिल्हाप्रमुख बापूसाहेब शिंदे, तालुकाप्रमुख रामभाऊ सासवडे, राष्ट्रीय सदस्य कार्यकारणी सचिन बांगर आदी मान्यवर उपस्थित होते.
गावातील विविध विकास कामांमध्ये मच्छिंद्र कदम यांनी भरीव योगदान दिले असून तरुणांना एकत्रित करीत गोरगरिबांना नेहमीच विविध अडीअडचणीप्रसंगी त्यांनी सहकार्य केलेले आहे. या निवडीमुळे त्यांच्यावर तालुक्यासह जिल्हयातून अभिनंदनाचा वर्षाव होत आहे.
जिल्हयासह तालुकाभर तरुणांची फौज एकत्र घेत शाखांचा विस्तार करणार असून पक्ष वाढीसाठी जोरदार प्रयत्न करणार आहे. तसेच मोठ्या प्रमाणावर विकासकामाच्या माध्यमातून गावागावांचा विकास करणार आहे.
मच्छिंद्र कदम (नवनिर्वाचित शिंदे गटाचे उपजिल्हाप्रमुख)
