शिरुर (अरुणकुमार मोटे) शिक्रापुर पोलिस स्टेशनमधील बहुचर्चित ‘अज्ञात’ व्यक्तीच्या खुन प्रकरणी त्याच पोलिस स्टेशनमधील ‘खत्री’ नामक पोलिस कर्मचाऱ्याने तक्रार अर्ज दिल्यानंतर ‘शिरुर तालुका डॉट कॉम’ ने निर्भिड व सडेतोडपणे सातत्याने बातम्यांच्या माधमातुन आवाज उठवला होता. या लढयाला अखेर यश आले असुन एका महिलेसह पाच जणांवर गुन्हा केला असुन महिलेसह चार जणांना तातडीने गजाआड करण्यात आले आहे. यातील एक आरोपी फरार आहे.
शिक्रापुर पोलिसांनी तत्परतेने गुन्ह्याची उकल करत माधव दशरथ करडे (रा.सुंब,ता. बार्शी जि. सोलापूर हल्ली रा. सणसवाडी ) या इसमाचा खुन झाल्याचे निष्पन्न करत एका महिलेसह पाच जणांवर गुन्हा केला असुन महिलेसह चार जणांना तातडीने गजाआड करण्यात आले असल्याची माहीती शिक्रापूर पोलीस स्टेशनचे पोलीस निरीक्षक दिपरतन गायकवाड यांनी दिली आहे.
या गुन्हयाची उकल होणे कामी पोलिस उपविभागीय अधिकारी प्रशांत ढोले हे दोन दिवस शिक्रापुर पोलिस स्टेशनला ठाण मांडुन होते. अखेर ‘अज्ञात’ मयत व्यक्तीला न्याय मिळवुन देत खुनाला वाचा फोडल्याने ‘शिरुर तालुका डॉट कॉम’ चे विशेष प्रतिनिधी तसेच शिरुर तालुका ग्राहक पंचायत संस्था पुणे जिल्हाध्यक्ष अरुणकुमार मोटे, आणि शिक्रापुर पोलिस स्टेशनचे कर्तव्यदक्ष पोलिस कर्मचारी गजानन खत्री तसेच ‘शिरुर तालुका डॉट कॉम’ चे संपादक तेजस फडके यांच्यावर कौतुकाचा वर्षाव होत आहे.
धक्कादायक; खुनाच्या आरोपीला आर्थिक तडजोड करत वाचवण्याचा शिक्रापूरच्या पोलिस अधिकाऱ्याचा प्रयत्न…?
शिक्रापुरच्या ‘त्या’ मयताचा खुन होण्यास अवैध धंदा कारणीभुत…?
