शिक्रापूर (शेरखान शेख): विठ्ठलवाडी (ता. शिरुर) येथे अज्ञात चोरट्यांनी रात्रीच्या सुमारास घरात प्रवेश करुन कपाटातील सोन्याचे दागिने व रोख रक्कम असा तब्बल 3 लाख रुपयांचा ऐवज चोरुन नेल्याची घटना घडली असल्याने शिक्रापूर पोलीस स्टेशन येथे गुन्हा दाखल करण्यात आला आहे.
विठ्ठलवाडी (ता. शिरुर) येथील मधला मळा येथे राहणारे सुरेश गवारे हे रात्रीच्या सुमारास घरात झोपले होते. सकाळच्या सुमारास गवारे हे उठले असता त्यांना घरातील साहित्य अस्थाव्यस्थ पडलेले व कपाट उघडे असल्याचे दिसून आले त्यामुळे त्यांनी कपाटाची पाहणी केली असता कपाटातील तब्बल अडीच लाख रुपये किमतीचे सोन्याचे दागिने व 50 हजार रुपये रोख रक्कम चोरीला गेल्याचे दिसून आले.
याबाबत सुरेश किसन गवारे (वय ५3) रा. मधला मळा विट्ठलवाडी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस निरीक्षक विक्रम साळुंके व पोलीस नाईक प्रताप कांबळे हे करत आहे.
