शिक्रापूर (शेरखान शेख): शिक्रापूर (ता. शिरुर) येथील स्वप्ननगरी हौसिंग सोसायटी मध्ये राहणाऱ्या चंद्रकांत गुलाबराव गुलाखे या व्यक्तीला रात्रीच्या वेळी फिट येऊन त्याचा उपचारा दरम्यान मृत्यू झाल्याची घटना घडली असल्याने शिक्रापूर पोलीस स्टेशन येथे आकस्मात मृत्यूची नोंद करण्यात आली आहे.
शिक्रापूर (ता. शिरुर) येथील स्वप्ननगरी हौसिंग सोसायटी मध्ये राहणारे चंद्रकांत गुलाखे यांना २९ जानेवारी रोजी रात्रीच्या सुमारास फिट आल्याने शेजारील नागरिकांनी त्यांना उपचारासाठी जवळील खाजगी रुग्णालयात नेले. मात्र उपचार सुरु असताना चंद्रकांत गुलाबराव गुलाखे (वय ४२) रा. स्वप्ननगरी हौसिंग सोसायटी शिक्रापूर (ता. शिरुर) जि. पुणे यांचा मृत्यू झाला.
याबाबत शरद नारायण झांबरे (वय ४१) रा. स्वप्ननगरी हौसिंग सोसायटी शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी आकस्मात मृत्यूची नोंद केली असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस नाईक बापू हडागळे हे करत आहे.
