शिक्रापूर (शेरखान शेख): तळेगाव ढमढेरे (ता. शिरुर) येथे एका अल्पवयीन युवतीला काम शोधून देण्याच्या बहाण्याने ओळख करुन नंतर युवतीला कामाचे तसेच लग्नाचे आमिष दाखवत बलात्कार केल्याची घटना घडली असल्याने शिक्रापूर पोलीस स्टेशन येथे संदीप किसन बढेकर याचे विरुद्ध गुन्हा दाखल करण्यात आला आहे.
तळेगाव ढमढेरे (ता. शिरुर) नजीक राहणाऱ्या सदर अल्पवयीन युवती काम शोधत असताना तिची ओळख संदीप बढेकर यांच्या सोबत झाली. त्यानंतर संदीप याने युवतीशी जास्त ओळख निर्माण करत तळेगाव ढमढेरे येथे तिला शिवीगाळ, दमदाटी करत तिच्याशी जबरदस्तीने शारीरिक संभोग केला असल्याची घटना घडली आहे.
पिडीत युवतीने याबाबत शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी संदीप किसन बढेकर (वय ४०) रा. धानोरे (ता. शिरुर) जि. पुणे याचे विरुद्ध गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली महिला पोलीस उपनिरीक्षक माधुरी झेंडगे व पोलीस शिपाई अविनाश पठारे हे करत आहे.
